Husfliden i Bergen vart etablert i 1895 med føremål å fremja norsk husflid økonomisk, sosialt, etisk og kulturelt. Gjennom 117 år har Husfliden i Bergen vore det viktigaste omsetningsleddet for husflidsvarer produsert i Hordaland og Sogn og Fjordane.
Sidan 1929 har Husfliden i Bergen halde hus i Vågsallmenningen 3, sentralt i Bergen. I perioden 1972-1985 hadde utsalget en filial som solgte møblar i Skostredet 8. Hovudprodukta våre er bunad, garn(strikkegarn og vevgarn), gåve/interiør og klede. Me har dei siste åra hatt hovudfokus på produkt med norsk design eller produkt som er produsert i Norge. Gjennom Norsk Flid, eit kommersielt samarbeid mellom 29 husflidsutsalg i Norge, har me større kapasitet til å styrka profilen vår.
![](/fileshare/filarkivroot/blogg/Shop/NYE%20BILDER%20BERGEN4.jpg)
Me er totalt 15 tilsette på huset. Fire av desse er fast stasjonert på systova i 2. etasje. Alle tilsette på systova har fagbrev i kjole og drakt, skreddar og/eller bunadstilverkarfaget. Me er stolte av å kunne seia at me produserer mellom 150 og 200 bunadar kvart år. Alle bunadane me syr er norskproduserte. Mesteparten av bunadsproduksjonen er kvinnebunadar til konfirmantar.
![](/fileshare/filarkivroot/blogg/Shop/NYE%20BILDER%20BERGEN5.jpg)
Det er ei oppleving for kundane våre å kunne sjå at det er aktivitet når dei kjem inn i lokale vårt. Å drive ei produksjonsbedrift midt i Bergen sentrum er ikkje så vanleg i dag. Styrken vår er at me har hand om hovudproduktet vårt, bunad, frå A til Å. Kundane kjenner seg trygg når me sit så nærme produktet og produksjonsprosessen. Produkta våre har ei historie som me ynskjer å formidla. Kvar dag legg me vår sjel i å begeistra og inspirera kundane våre.
![](/fileshare/filarkivroot/blogg/Shop/NYE%20BILDER%20BERGEN6.jpg)
I vårsesongen pleier me gjerne å seia at me jobbar på Noregs travlaste arbeidsplass. Då syd det av aktivitet og kundar her på huset. Dette vert toppa med Festspillene i Bergen, som òg gjev stor aktivitet i byrommet.
Sidan me ligg så vakkert til mellom dei sju fjell og i nærleiken av Bryggen og Fisketorget, har me vitjing av mange turistar i sommarhalvåret. Dette er ein sesong me alltid ser fram til med forventning. Då får me brukt både kunnskapen vår om produkta og språkevnene våre.
![](/fileshare/filarkivroot/blogg/Shop/NYE%20BILDER%20BERGEN8.jpg)
Det er viktig for oss at kundane våre skal få ei estetisk oppleving når dei kjem inn i butikken vår. Mange av våre tilsette har fagbrev eller har ei genuin interesse for faget me driv. Me håpar at dette vil gjera ein forskjell i forhold til dei tradisjonelle kjedebutikkane. Me ynskjer å vera ei levende forretning der me skapar unike opplevingar for kundane våre.